Mia san Tongångarne, des beste Studentnorchesta z’Göteborg – a gscheide Big Band mit Hoizbläsa! Ba ins spün vor oim Studentn und Ehemalige vo da Uni Göteborg mit. Drum samma a bunt zomgwürfeta Haufn aus schwedische und ausweaschtege Leit. Mia spün ois, wo ma guad schwoaßn ku: vom schwedischn Schloga üwa Disco und modernan Pop bis za insare gonz eignan Liada! Üwas Joh samma ba a bo Konzerte dabei, ban Studentnorchestafestival STORK/SOF, bei da Valborg-Parad vo da Göta Studentkår, ba da Nördparad vo da Science Fiction Bokhandeln und ba oiahond „Sittning“-Auftritte. Fad weaschts ba ins oiso nia! Oft stehn ma a mit Patriciabaletten, an Studentnballett des za ins dazua kescht, auf da Bühne.

Tongångarne is 1962 gründt woan. Seit vü Joh homma insa Dahoam – des mia LARM hoaßn – im Studenternas Hus vo da Göta Studentkår. Seitn Ufong san mia mit insare knoirotn Jackn nid zan Üwasechn. Mia hom scho ois mögliche gspüt: ausvakafte eigne Konzerte im Konserthuset, ban 150-Joh-Jubiläum vo da Pripps-Brauerei, ba de jährlichn Studentnorchestafestivals und auf Tourneen quer duachs Auslond.